Pages

Ads 468x60px

Labels

Sep 13, 2012

iPhone-5 ထွက်ပြီ

အပ်ပယ်ကုမ္ပဏီက ၆-ဆက်မြောက် မျိုးဆက်ဖြစ်တဲ့ အိုင်ဖုန်းဖိုက် (iPhone-5) ကို မနေ့က (12-09-2012) မီဒီယာလောကနဲ့ စတင် မိတ်ဆက်လိုက်ပါပြီ။ အရင်ကထက် ပိုကောင်းပြီး၊ ပိုပါးတဲ့ အိုင်ဖုန်းဖိုက် (iPhone-5) ကို လာမယ့် စက်တင်ဘာလ ၂၁ နေ့မှာ အမေရိကန်အပါအ၀င် နိုင်ငံကြီးများကို စတင် ရောင်းချပါပြီး၊ ၂၀၁၂-ခုနှစ်အတွင်း ကမ္ဘာ့နိုင်ငံပေါင်း ၁၀၀ ကျော်ဆီသို့ အရောက်ပို့ ရောင်းချမယ်။ မနက်ဖန် (14-09-2012) သောကြာနေ့ကနေ စတင်ပြီး အွန်လိုင်းအမှာစာကိုလည်း လက်ခံတော့မယ်လို့ မနေ့က ကျင်းပပြုလုပ်တဲ့ အိုင်ဖုန်းဖိုက် (iPhone-5) မိတ်ဆက်ပွဲမှာ ကြေညာသွားပါတယ်။

အိုင်ဖုန်းဖိုက် (iPhone-5) ရဲ့ အသွင်အပြင်
အိုင်ဖုန်းမျိုးဆက်ထဲမှာ အိုင်ဖုန်းဖိုက် (iPhone-5) က အပါးလွှားဆုံး၊ အပေ့ါဆုံးနဲ့ အမြန်ဆုံးလို့ ဆိုပါတယ်။ အမြင့်ကိုတော့ ပြီးခဲ့တဲ့နှစ်က ထုတ်လုပ်ခဲ့တဲ့ အိုင်ဖုန်းဖိုးအက်စ် (iPhone-4s) ထက် ၉-မီလီမီတာ ပိုမြင့်လာတယ်။ ထုထည်ကား ပိုပါးပြီး၊ ဗျက်ကိုတော့ ထပ်တူ ပြုလုပ်ထားပေမယ့် စကရင်းကိုတော့ (ထောင့်ဖြတ်) လက်မ၀က် ချဲ့ထားတယ်။ ပိုမြင့်ပိုရှည်လာပေမယ့် အလေးချိန်ကိုတော့ လျော့ချထားတယ်။ ၁၁၂ ဂရမ်သာ ရှိတယ်။ မြင်လွှာရုပ်ပြ နည်းပညာကိုပဲ သုံးထားတယ်။

မြန်ဆန်တဲ့ ချစ်ပ် (Chip)ကို အသုံးပြုထားသလို၊ ၀ိုင်ဖိုင် (Wi-Fi) အတွက် နောက်ဆုံးပေါ် ၀ါယာလက် နည်းပညာကိုလည်း ထည့်သွင်းထားတယ်။ အိုင်ဆိုက်ကင်မရာကို ၈-မီဂါပစ်ဇယ် သုံးထားတယ်။ ရုပ်ပြအရည်အသွေးကိုတော့ ၁၁၃၆ x ၆၄၀ ပစ်ဇယ်လ် ရှိပါတယ်။ ရီဆိုလူးရှင်းအနေနဲ့ တိုင်းတာရရင် မီဂါမစ်ဇယ်လ်တကွက်ကို ၃၂၆ ရီဆိုလူးရှင်း ရှိပါတယ်။

အိုင်ဖုန်းဖိုက် (iPhone-5) ရဲ့ နောက်ကျောဖုံး ဘောင်ကို အပ်ပယ်လ် နုတ်ဘွတ်ကွန်ပျူတာတွေမှာ သုံးနေတဲ့ ၆၀၀၀ စီရီး အလူမီနီယံနဲ့ ကွပ်ထားတယ်။ အိုင်ဖုန်းဖိုက် (iPhone-5) ရဲ့ ထိပ်ပိုင်းမှ အောက်ခြေအထိ အစိတ်အပိုင်းအားလုံးကို အဖြူရောင်ဖုန်းအတွက် ဆာရာမစ်မှန်နဲ့ အုပ်ထားသလို၊ အနက်ရောင်ဖုန်းအတွက် ပစ်ဂမန့်မှန်နဲ့ ဖုံးအုပ်ထားတယ်။ အီယားဖုန်းလို့ ခေါ်တဲ့ နားကြပ်ကိုလည်း နားစည်းနဲ့အညီ ခေါင်းလုံးလုံးနဲ့ နားကြပ်ကို အသစ်တီထွင်ထားတယ်။ အိုင်ဖုန်း စထုတ်ကတည်းက သုံးနေကျ နားကြပ်ပုံဟောင်းကို အခုမှ အသစ် တီထွင်ထားခြင်း ဖြစ်တယ်။

အိုင်ဖုန်းဖိုက် (iPhone-5) ရဲ့ အရွယ်အစား
အမြင့်= ၄.၈၇ လက်မ (iPhone-4s=၄.၅ လက်မ)
အနံ= ၂.၃၁ လက်မ (iPhone-4s နဲ့တူတယ်)
အထူ=၀.၃၀ လက်မ (iPhone-4s ၀.၃၇ လက်မ)
အလေးချိန်= ၃.၉၅ အောင်စ/ ၁၁၂-ဂရမ် (iPhone-4s ၄.၉ အောင်စ၊ ၁၄၀ ဂရမ်)
စကရင်း=၄-လက်မ (iPhone-4s ၃.၅ လက်မ)
(မှတ်ချက်။ ဗျက်အကျယ် တူပေမယ့် အတွင်းက စကရင်းကိုသာ ကြီးထားတယ်။)


အိုင်ဖုန်းဖိုက် (iPhone-5) ရဲ့ နည်းပညာ
အိုင်ဖုန်းဖိုး (iPhone-4) တုန်းက A4 ချစ်ပ် ကိုသုံးခဲ့တယ်။ အိုင်ဖုန်းဖိုးအက်စ် (iPhone-4s) ကိုတော့ A5 ချစ်ပ်ကို သုံးထားပြီး အခု အိုင်ဖုန်းဖိုက် (iPhone-5) မှာ A6 ချစ်ပ်ကို သုံးထားတယ်။ တစ်လုံးထက်တစ်လုံး သာလွန်တဲ့ မြန်နှုန်းကို အသုံးပြုထားတယ်။ ၀က်ပေ့ခ်ျ၊ အင်တာနက်ကို အသုံးပြုရာမှာ ပိုမိုပြီး မြန်ဆန်စေပါတယ်။ A6 ချစ်ပ်ကို သုံးထားတဲ့အတွက်လည်း ရုပ်ပုံ လျင်မြန်စွာ ထွက်ပေါ်စေတယ်။ စက်လည်ပတ်မှုစနစ်ကိုတော့ iOS 6 နဲ့ မောင်းနှင်ထားတယ်။ (လက်ရှိ iOS ကတော့ 5.1.1 ပါ။)


SIM Card ကိုတော့ Micro Sim ထက် ၄၄-ဆ ပိုပြီးသေးငယ်တဲ့ (nano-SIM) နာနိုဆင်းကဒ်နဲ့ သုံးထားတယ်။ ပြီးတော့ သုံးနေကျ Connector (ဘက္ထရီအားသွင်း၊ အချက်အလက်ပြောင်း- ကြိုး) ထက် အဆ-၈၀ ပိုသေးငယ်တဲ့ Connector ကြိုးကို အသုံးပြုထားတယ်။ ဒီကြိုးကိုတော့ Lightning လို့ နာမည်ပေးထားတယ်။ Connector ကြိုးပေါက်ကို သေးလိုက်တဲ့အတွက် နားကြပ်ပေါက်ကိုလည်း အောက်ခြေမှာ ပြောင်းရွှေ့ ထားလိုက်တယ်။


ဆယ်လူလာနည်းပညာကို သရီး-ဂျီ (3-G)ကနေ ဖိုး-ဂျီ (4-G)ကို ပြောင်းထုတ်လိုက်တယ်။ ၀ိုင်ဖိုင်နည်းပညာကို 802.11n 2.4GHz and 5GHz နဲ့ အသုံးပြုထားပြီး၊ ဘီလူးတု ၄ (Bluetooth 4.0) ကို သုံးထားတယ်။

ဖုန်းလိုင်းအမျိုးအစား
GSM အမျိုးအစား= နံပါတ် A1428 ဖြစ်ပြီး UMTS/HSPA+/DC-HSDPA (850, 900, 1900, 2100 MHz) ကိုလည်းကောင်း၊
GSM / EDGE (850, 900, 1800, 1900 MHz) ကို လည်းကောင်း သုံးလို့ ရတယ်။

CDMA အမျိုးအစား= နံပါတ် A1429 ဖြစ်ပြီး CDMA EV-DO Rev. A and Rev. B (800, 1900, 2100 MHz) ကိုလည်းကောင်း၊ UMTS/HSPA+/DC-HSDPA (850, 900, 1900, 2100 MHz) ကိုလည်းကောင်း ချိတ်ဆက် အသုံးပြုလို့ ရတယ်။


ဈေးနှုန်း (အမေရိကန်ဒေါ်လာ)
16-GB (အဖြူ / အနက်ရောင်) = $ 649.00
32-GB (အဖြူ / အနက်ရောင်) = $ 749.00
64-GB (အဖြူ / အနက်ရောင်) = $ 849.00

မှီငြမ်း- http://www.apple.com/iphone/

0 comments:

Post a Comment